3.453 einstaklingar mega kjósa um sameiningartillöguna

Gengið verður til kosninga um sameiningu Ásahrepps, Rangárþings ytra, Rangárþings eystra, Mýrdalshrepps og Skaftárhrepps  þann 25. september næst komandi. Alls eru 3.453 einstaklingar á kjörskrá í sveitarfélögunum fimm. 

  • Mýrdalshreppur, 370.
  • Skaftárhreppur,  371.
  • Ásahreppur,  159
  • Rangárþing Eystra,  1306
  • Rangárþing ytra,  1247

Kjörskrár liggja frammi á skrifstofum sveitarfélaganna og er hægt að gera athugasemdir fram að kjördegi. Kosningaréttur í sameiningarkosningum er hinn sami og í sveitarstjórnarkosningum, þ.e. allir íslenskir ríkisborgarar sem náð hafa 18 ára aldri þegar kosning fer fram og eiga lögheimili í viðkomandi sveitarfélagi.

Enn fremur eiga kosningarrétt danskir, finnskir, norskir og sænskir ríkisborgarar sem átt hafa lögheimili hér á landi í þrjú ár samfellt fyrir kjördag og aðrir erlendir ríkisborgarar sem átt hafa lögheimili hér á landi í fimm ár samfellt fyrir kjördag.